أمير الغرام - الـــبــــ(✍🏻) ـــــارت [ 3️⃣ - مكتملة | روايتك

_*البارت الثالث*_ 🔵🔵🔵🔵🔵🔵🔵🔵🔵🔵🔵🟣🟣🟣🟣🟣🟣🟣🟣🟣🟣🟣 خلصت هالليلة الطويلة بطلوع الروح وبلش فجر نهار جديد كان امير واقف عالشباك وعم يحكي مكالمة بخصوص الشغل وبعد اخد وعطا ونقاش مع مدير اعمالو سكر الخط واخد نفس طويل بلشت غرام تتحرك وتئن من الوجع • امير : غرام .. ياعمري ...سامعتيني ..بشو حاسة • غرام: امممم بطني ...امير موجوعة ...امير شوصار معي • امير : ياعيون امير انتي الحمدلله ع سلامتك رح نادي للدكتورة اجت الدكتورة وفحصت غرام • غرام: بطني ..موجوعة كتير • اخدت الدكتورة ابرة وحطتلا ياها بالسيروم وبعد دقيقتين نامت غرام • امير : شو دكتورة ..عم تقول موجوعة ونامت • الدكتورة : الوجع شي طبيعي صرلا كم يوم بدون اكل +الامعاء كانت ملتهبة وعم تتحسن شوي وكمان العادة الشهرية زادت وجعها لهيك علقتلا سيروم وشوية فيتامينات لنعوض النقص يلي عندا وابرة مهدء لتنام احسن ماتضل تتوجع • امير : تمام ،مشكورة • الدكتورة : العفو ، بلإذن قعد امير عالكنباية عم يفكر شو ممكن تكون ردة فعل غرام لما تفيق ومضي 3ساعات لساها نايمة حس امير بالجوع ونزل عالكافيه طلب كروسان وقعد ياكل وبهالأثناء بلشت غرام تصحى عالبطيء شافت جنبها قنينة مي فتحتها وشربت وقعدت تتزكر كلشي صار معها ودموعها ع خدها اندق الباب مسحت دموعا بسرعة وفاتت الممرضة شافتها صحيت نادت عالدكتورة، بلشت تفحصها وتسئلها بشو حاسة او اذا موجوعة بهالوقت دخل امير • امير ; فاقت ... شودكتورة كيف وضعها • الدكتورة : تمام التمام رح تقضي هي الليلة عنا وبكرا من الصبح منخرجك بس لازمها عناية وتغذية لتعوض يلي خسرتو بلايام يلي قضتها بلا اكل وحاولي تكتري شرب مي ، عليكي العافية مدام غرام • امير : شكرا دكتورة • الدكتورة : العفو يابيك ، بلاذن • قعد امير جنب غرام ومسك ايدها عم يطلع فيها والدمعة بعينو دمعة ندم وحب سحبت غرام ايدها من بين ايديه ودارت وجها عالجهة التانية • امير : غرامي لاتديري وجهك عني اتطلعي فيني ...انتي بتعرفيني لما عصب مابقدر سيطر ع حالي .....ضلت غرام ساكتة • امير: معك حق تزعلي مني بس اسئليني ليش هيك عملت قوليلي زعلانة صرخي فيني بس لاتسكتي ........... غرامي سكوتك عم يدبحني وحياتك اني ندمان .....غرامي ....... ردي عليي .....ريتا انكسرت ايدي قبل ما اضربك .....ياروحي ....اذا مابدك تردي عالاقل اتطلعي فيني ...غرام ردي • غرام مسكت طرف الحرام وتسطحت بالتخت غطت راسها ودموعها عم تنزل • امير : لاتهربي مني ردي علي حاكيني ... لك نادي للدكتورةوقوليلا بدي اشتكي ع زوجي عاقبيني بس لاتحرميني من صوتك وعيونك -ضلت غرام متجاهلتو ضلت مغطيه راسها لوقت اجت الممرضة وجابتلا وجبة اكلت كم لقمة وحست بتقل بمعدتها • امير : غرام كملي صحن الشوربا لازم تقوي حالك ...لك مابدك تردي عليي لاتردي بس كملي صحنك • ماردت عليه حطت الاكل عالطاولة جنبها وقامت عالحمام حاول امير يقرب منها يساعدها بس،بعدت عنو وفاتت بسرعة سكرت الباب ،غسلت ايديها ووجها وطالعت فوط نسائية من خزانت الحمام وزبطت امورها وطلعت تسطحت بالتخت هيةومتجاهلة امير ...... ((( - " كسر الخواطر بمثابة خطأ طبّي ، الأعتذار فيه لا يردّ عافيتك "......... • وبتاني يوم من الصبح نزل امير ليخلص امور المحاسبة وغرام غيرت تيابها ونزلت ،كان امير عم يضب الهوية بجزدانو لما شافها عم تطلع من باب المشفى ركض وراها وكانت عم توقف تاكسي فتحت الباب لتركب بس،لحقها ومسك الباب • امير : عم يلهت ..وين رايحة هيك لحالك ماتستنيني ومنطلع سوا • غرام : طريقي غير طريقك بلا مانضيع وقت • امير : شو قصدك ??انتي مرتي وطريقنا واحد • غرام : اتركني روح لبيت اهلي احسن ماطالع جناني عليك • امير :سكر باب التكسي ، الله معك معلم امشي ، وانتي ياخانم جنانك احلا من العسل ع قلبي حملها غصب عنهاوحطها جنبو بالسيارة ومشي ليرجع عالضيعة • غرام :عم تحكي ولافة وجها عالشباك /نزلني عند اهلي • امير :بس تتحسني منزور اهلك سوا • غرام : عم قلك وصلني لبيت اهلي وهاد اخر كلام عندي ،ماعاد اتحمل عيش انا وياك بنفس،البيت • امير : يلي عندي قلتلك ياه انا جوزك ورجال البيت وبدك ترجعي ع بيتك غصب عنك ياحلوة وقرصا من خدا • غرام : وانا ماعندي غير هالكلام وبس تصير رجال تعا خدني من اهلي • امير : دعس فرام فجأة وقرب ع غرام ومسكها من وجها بقوة وعيونو عم تقدح نار وقلا : رجعي عيدي يلي قلتيه • غرام : لاتفكر انك بقوتك ونظراتك هي رح تخوفني انت من وقت مارفعت ايدك عليي وضربتني صارت رجوليتك بلارض... عم تفهم انت صرت بعيني شي مابيسوى • امير : حبيبتي انتي معصبة هلئ وزعلانة مني وانا تعبان ومعصب من حالي بس تهدي منح.... • قاطعتو غرام : بصراخ لاااتقلي حبيبتي انا ب ك ر ه ك قالتها حرف حرف وشادة ع سنانها • امير : اذا ضليتي تكرهيني طول عمرك ما رح تشوفي مني الا حبي • غرام بقهر والدمع معبي عيونها : هه شفتو ل حبك شوعمل فيني • امير ....ضل ساكت شغل السيارة وصل عالقصر نزل ليحمل غرام بس ك انت سابقتو نزلت من السيارة بسرعة ودخلت عالقصر وبوجها ع غرفتا وقفلت الباب لحقها امير ودق عالباب اكتر من مرة • امير : غرام عم قلك فتحي خلص مارح احكي معك ولا قرب منك بس افتحي بدي فوت ارتاح شوي • غرام : بدي اتحمم وغيّر تيابي بس اخلص بفتح .....ضل عم يدق شوي لفترة قصيرة ونزل عالصالون وغرام كانت اعدة قدام المراية عم تطلع ع حالها وتفكر شو بدها تعمل ،فتحت الخزانة طالعت فستان قطني طويل اسود ع قد الجسم فاتت تحممت وتأملت جسمها الازرق عالمراية لبست وطلعت مشطت شعراتا ونزلت ع حديقة القصر ونادت للخادمة ام جواد • ام جواد : نعم مدام غرام • غرام : خالة ام جواد زكاتك عمليلي عصير وجيبيلي ياه عالحديقة • ام جواد : من عيوني • قعدت غرام بالشمس وبلشت تفكر تتركو وتروح لعند اهلا ولا تصبر كمان شوي ومحتارة من السبب يلي جننو هيك وخلاه يضربها بس هية مستحيل تحكي معو وتسألو عن السبب .،طلع امير عالغرفة اخد بيجامة رمادية وفات عالحمام اخد دوش سريع مشط شعرو حط عطر ولبس الساعة والتلفون بالجيبة ونزل لتحت سأل ام جواد عن غرام وقالتلو انها بالحديقة عم تشرب عصير • امير : غرام ليش طالعة هيك لبرا ..شعرك مبلول ولساتك ماتحسنتي منيح هلئ بتاخدي برد • غرام اتطلعت عليه بنظرة لئيمة واخدت شفه عصير وماردت • امير : بظن انك تحممتي وغيرتي تيابك واعدة عم تشربي عصير يعني اعصابك هادية ولازم نحكي • غرام............. • امير : غرامي خلينا نكون صريحين انتي بتعرفي انو ما تزوجنا عن حب وصرلنا منعرف بعض بس شهر صح • غرام ........... • امير: انتي مارضيتي تنزلي معي عالمدينة وهداك اليوم ماخلتيني قرب منك ويكتمل زواجنا لانك لسا مو واثقة فيني صح • غرام : اتطلعت فيه انو كلامو صح وطلع فهمان عليها بس،ضلت ساكتة وماردت • امير : غرام انتي بتعرفي انو كلامي مزبوط متل ما انتي لساتك مو واثقة فيني ثقة عميا وانا كمان كانت ثقتي فيكي موكاملة ولما سمعت انك حامل جن جنوني • غرام : حامل !!!! • امير : اي في حدا خبرني انك حامل ولما شفتك ماعم تاكلي وبتضلي دايخة وكل شوي استفراغ صدقت • غرام : مين يلي قلك?? • امير : بنت من عندكن من الضيعة مابعرف اسما • غرام : كيف شكلا ?طويلة ،قصيرة،نحيفة،سمينة ???والله لإطلع بروحها مين ماكانت • امير : هاليومين منروح لعند اهلك وبفرجيكي ياها بس هلئ خلينا بالمهم سامحيني غرام انااسف • غرام : كيف الك عين تطلع فيني وتطلب السماح بعد كلشي عملتو فيني • امير : عم قلك ندمان وحياتك عندي اني من هلئ ثقتي فيكي عميا واذا بشوفك بعيني عم تخونيني مابصدق • غرام : اتركني بحالي • امير : اهدي واحكي كلشي بقلبك فشي خلقك بس المهم تفاهم ونوصل لحل • غرام : طلقني • امير : غرام لاتجني قلتلك خلينا نوصل لحل، منضل فترة كل واحد بغرفة لحتى نتعود ونفهم بعض واصحك تفكري بالطلاق ابدااا • غرام : اذا بتضل حابسني هون طول العمر ..وأشرت بإيدها عالقصر لاتحلم اني صير ملكك بيوم • امير: مارح احبسك هون وبعرف انك بتحبيني ومع الايام رح تضلي بإرادتك😉 • غرام : لك منيمني يومين بالمشفى شوف شوف وجهي كلو معلم ازرق من ضرباتك ياافندي ولاجسمي لك شي بخوف ..قامت وقفت والدموع بعينهاوكملت كلامها ..انا كيف بدي اوثق فيك لك شلون رح أمن ع حالي معك مشت بسرعة وطلعت عالغرفة عم تبكي • امير عصب كتير ومسك كاسة العصير يلي عالطاولة وكسرها • خلص النهار ودموع غرام ماخلصت ،بهديك الليلة نامت هية بغرفة وامير بغرفة تانية ومرق يومين بدون مايحكوسوا كان امير ينزل عالمدينة يخلص شغلو أو يوقع عالاوراق المهمة ويرجع فوراً عالقصر ويهتم بأكل وصحة غرام بس غرام كانت عطول تتجاهلو وساكتة مايطلع من تمها ولاحرف وبيوم خميس دخل امير لعند غرام وكانت عم تضب تيابها بالشنتة • امير : لشو هالتياب يلي عم تضبيها • غرام:........ • امير : غرامي لاتجننيني ليش عم تضبي تيابك • غرام : بما إنو راح الزراق يلي ع وجهي رايحة لعند اهلي ،انا عم خبرك ماعم اسئلك • امير : ايوااا هيك صار الكلام يعني • غرام:...... • امير : وايمتا راجعة ? • غرام : مابعرف • امير : تسطح عالتخت وحط ايدو ورا رقبتو و قلا: اي ضبيلي معك كم قطعةتياب الي ،حابب زور بيت حمايي • غرام سحّبت الشنتة وحطتها جنب الباب واخدت فستان لون ازرق ضهرو مفتوح وجاكيت جينز وفاتت تلبس بالحمام طلعت مشطت شعرها وحطت مسكارة وروج فاتح رشت عطر وامير عم يطلع عليها من المراية يلي مقابيلو خلصت وقربت لجنب التخت حطت تلفونها والشاحن بالجزدان ولفت لتمشي بس مسكها امير من ايدها • امير: قلتلك ضبيلي تياب • غرام :مافي داعي لروحتك، نترت ايدو وحملت الشنتة ونزلت عطتها للشوفير ركبت السيارة ومشت • امير : اووووف منك ياغرام خانم شكلو زعلك صعب بس وراكي وراكي وين ماهربتي😌 • بعد المغرب ضب امير شوية تياب وراح لبيت اهل غرام نزل سلم ع اهلا وقعد • الاب : والله ونوّر البيت ياصهري • امير : تسلم عمي ، وجه عيونو ع غرام يلي قاعدة جنب اختا حلا، كنت ع اساس اجي انا وغرام بس كان عندي كم شغلة خل صتن واجيت رح نضل عندكن كم يوم لان غرام اشتاقت الكن وللضيعة • الاب : اهلا وسهلا فيكن يا ابني والله ونحنا اشتقنالكن عطول تعالو هيك بتونسونا بنتي غرام حطي عشا لجوزك • غرام : بابا من شوي اكل مانو جوعان • نورا : حتى لو متعشي بنتي مو حلوة يلا قومي حطيلو • قامت غرام عالمطبخ عملت شاي وكانت عاملة كيك هية وحلا حطت كيك ورجعت ضيفت الكل واعدت • امير بضحكة خبيثة : غرامو قبل ماآكل الكيك قومي معي دليني وين الحمام لغسل ايديي • غرام ماعرفت شو تعمل وقامت بدون ماتحكي شي مشت عالحمام وامير وراها وصلت لقدام باب الحمام واشرت بايدها بدون ماتنطق بحرف دخل امير عالحمام وبسرعة مسكها من ايدها وسحبا لجوا الحمام وسكرالباب • غرام : دفشتو وبعدت عنو ، لك انت شومفكر حالك عم تعمل • امير سحبها لعندو مرة تانية ولف ايدو بقوة ع خصرا وبلايد التانية حط اصبعتو ع شفافها وقلا بهمس: هصصص مو حلوة اهلك يسمعو يابخيلة هيك بتخلي زوجك جوعان • غرام : روح ع قصرك وضل عم تاكل لتشبع انا مو خدامة عندك • امير ضحك عليها وقرب وجهو من وجها اختلطت انفاسن وهالوضع ماعجبها لغرام صارت تضربو ع صدور وتدفشو بس امير ضمها وقربها من جسمو اكتر وصار يمشي ايدو ع ضهرها المكشوف، لمساتو دوبت غرام وهديت ماعاد دفشتو عنها بس انفاسها صارت متل النار حاول يقرب منها شوي ويبوسها بس لفت وجها ع جنب • امير بصوت واطي كتير وعم يلهت : غرامي نصيحة خليني اخدة بوسة من هالشفاف الكرزيات احسن ما أخدها من رقبتك وتبين الطبعة الزرقة قدام اهلك • غرام ............ كانت عم تتنفس بصعوبة بس بلمح البصر فكت حالها من بين ايديه وطلعت من الحمام صار امير يضحك عليها وقال لسا ماشفتي شي ياحلوة ..... غرام (بقلبها) : رغم هالبعد البشع يلي بيناتنا ورغم كل القسوة يلي قسيتها عليي مافيي ماحبك وبحبك❤ #يتبع.... • نورا : عمك طلع من الصبح عالدكان وغرام مع الصبايا بصباحية النسوان ماعاد الا تجي • امير: اممممم ايواا اي بس اليوم الجمعة عمي مابعطل يعني • نورا: ياابني هون ضيعة صغيرة والدكان صغيرة كمان مافيها تعب كتير لهيك مابعطّل أحيانا بسكر بكير • امير : الله يرزقو • نورا: امين يارب ،ابني اذا بتحب في كراسي برا قدام الباب اقعد بالشمسات وانا رح اعملك قهوة بين مايرجعو البنات لنفطر • امير : اي والله ياريت رح غلبك معي طلع امير لبرا هو وعم يتأمل البيت وفرشو البسيط اخد كرسي وقعد جنب باب البيت كانت الشمس حلوة وجو الضيعة بجنن طالع التلفون من جيبتو وعيونو عم تتجول عبيوت الضيعة .لمح غرام من بعيد طالعة مع حلا من بيت والتقت بشب سلمت حلا عليه ومشت وغرام ضلت واقفة معو ،ضل امير واقف عم يتطلع عليها وخاف اذا راح لعندها تفكرو انو لساتو عم يشك فيها وصلت حلا لعند امير • حلا : صباح الخير صهري • امير: صباح النور حلوش مين هاد يلي واقف مع غرام • حلا: هاد ابن الخالة ام فواز يلي كنا عندها من شوي هو وغرام رفقات وماشافها من يوم العرس • امير :يعني مابيقربكن بس رفقات • حلا : اي • امير حمل حالو ومشي لعند غرام ولما وصل لعندها وقف جنبهاحط ايدو ع كتفا وضما لعندو شوي • امير : صباحوو اسف اني قاطعتكن انا زوج غرام ومد ايدو ليصافح الشب • هادي مد ايدو وسلم ع امير : يسعد صباحك وانا هادي ابن جيران غرام تشرفت بمعرفتك • غرام كانت عم تنقل نظرها بين امير وهادي بهدوء وماحكت شي • امير: امممم فكرتك بتقربها لإنو اول مرة بشوفك هون مع اني اجيت اكتر من مرة لهون • هادي : ههههه لا مافي قرابة بس انا وغرام كتير رفقات وماشفتني لاني بشتغل بضيعة تانية بجي لهون خميس وجمعة بس • امير : امممم موفق يارب يلا بلاذن منك تشرفت بمعرفتك وانشالله بشوفك مرة تانية • سلم امير ع هادي ومسك ايد غرام ومشي ناح البيت • غرام بهمس : اذا انت خلصت حديثك معو انا ماخلصت كان فيك تمشي لوحدك بدون ماتجرني وراك • امير : أولآ صباح النور غرامي...وتانيآ ماعاد بدي شوفك واقفة معو • غرام: ليش بالله شو شفت منو ..ومابحقلك تمنعني من شي وتدخل بعلاقتي باهل ضيعتي • امير : ماشفت منو شي بس ماعاد بدي إلمحك معو او مع غيرو واذا صار وشفتك مع شي شب رح احرقو واحرق سلالتو فهمانة • غرام اتدايقت منو وعرفت انو غيران عليها وماردت عليه فاتت حطت الفطور يلي جهزتو امها وقعدو يفطرو امير : غرامي ياعمري صبيلي كاسة شاي غرام بنشافة : اي تكرم بس لاتحكي معي هيك قدام اهلي بخجل نورابلعت اللقمة وردت: من شو عم تخجلي هاد جوزك وعادي يقلك ياعمري مانو حدا غريب امير ابتسم ومد كاسة الشاي لغرام وغمزها😉مضي النهار ع غرام هية وعم تحاول تتجاهل امير وامير صار يلهي حالو شوي بايميلات الشغل وبعد العصر حس بملل • امير : مرت عمي ايمتا عمي ابو غرام بيجي • نورا: مافي وقت محدد بس يمكن هلئ يكون جاي لان اليوم الجمعة وانت عنا شوي وبتلاقيه اجا • امير : عم يتطلع بغرام يلي اعدة مع حلا عجنب : طيب دكانتو بعيدة من هون? يعني اذا تمشيت انا وغرام لعندو منوصل اليوم😂 • غرام: اي بعيدة ليش بدك تروح عالدكان • امير: مليت شوي قلت بتمشى انا وياكي لعندو منجيبو ومنجي • نورا: لاترد عليها لهي الدبة الدكان مو بعيدة قومو روحو تمشو وبس ترجعو بكون الغدا جاهز • غرام : امير قوم معي لدلك من هون وين الدكان لان ماالي حيل امشي قام امير مسك ايد غرام وسحبها عالغرفة • امير :يلا غيري تيابك لنمشي • غرام : قلتلك ما بدي امشي • امير :وانا قلتلك غيري تيابك ولبسي شي سميك هل بيبرد الجو .....ضلت غرام واقفة مكانها وماردت • امير : ماسمعتيني شوقلت • غرام : لا ما سمعت ومابدي البس ومابدي امشي معك • امير: شد غرام من خصرا لعندو وهمسلا: معك دقيقتين اذا ماغيرتي ومشيتي رح اضطر غيرلك تيابك انا • غرام : الشغلة ع كيفك يعني • امير : اي ع كيفي تعي لفرجيكي وبلش يحاول ينزل طرف الكنزة عن كتفا وقرب شفافو على عضام رقبتها وصار يبوسهن بحنية غرام تلبكت وبعدت عنو بسرعة : خلص خلص رح غير تيابي واجي ستناني برا ضحك امير بخباثة وطلع لبرا يستناها لبست غرام بنطلون جينز وكنزة بيضا وفوقا جاكيت جينز وبوط ابيض وطلعت • غرام : يلا امشي • امير : اي انا يلي بمشي • مشي جنبها ومسك ايدها نترتلو ياها غرام وقالتلو : لاعاد تلمسني احسن ما جن عليك وامشي بمعاملة الطلاق هلئ ها • امير : انتي مو قلتي انو بدك تعرفي يلي قالتلي انك حامل • غرام : اي اكيد بدي اعرفها وينها ?شفتا شي? • امير :اي شفتا واذا بدك تعرفيها اوعديني بشغلة • غرام : نعم ?? وعد شو • امير : اوعديني انك تنفذي طلبي لدلك عالبنت • غرام : شو هو طلبك لاوعدك نفذلك ياه • امير : غرام بسرعة اوعديني تنفذي طلبي قبل ماتروح البنت • غرام بنفاذ صبر : طيب طيب ماشي بوعدك ساوي يلي بدك ياه بس قلي انو بنت • امير: عم يأشر بإيدو، امممم شايفة هنيك في بنت لابسة اصفر البنت يلي معها هية يلي قالتلي انك حامل • غرام : اتطلع عليها منيح اكيد هي ة • امير : اي اكيد • غرام : 😱😱هي سارة الحقيرة والله لاطلع بروحها مالها عرفانة مع مين علقت • امير : لك استني وين رايحة هيك رح تشدي شعرا قدام الكل وتفضحو بعض اصبري لبكرا ومنطعميها بهدلة غير شكل 😂 • غرام كانت جانة من سارة اخدت نفس طويل وطالعتو بأفأفة : طيب ماشي يلا خلينا نروح • امير: اي يلا .. مسك ايدها ومشيو وغرام كان كل تفكيرا كيف تنتقم من سارة ....امير شاف الدكان وعمو كان عم يضبضب ليسكر ورجعو عالبيت هنن وعم يدردشو الا غرام يلي عم تفكر بسارة وتزكرت انها حكت هية ورهف بالحمام ببيت سارة انو زواجهن لسامااكتمل واكيد سمعتن رجعو عالبيت تعشو وقعدو يكملو السهرة واجا كم رجال من الجيران ليسهرو مع امير بعد شوية وقت تركت غرام السهرة وفاتت لبست بجامتها ونامت ،بعد ماخلصت السهرة استأذن امير من عمو وفات ع غرفتو غير تيابو وتسطح جنب غرام ضما لصدرو ونام • فاقت غرام الصبح لاقت حالا بحضن امير ضحكت وضلت بحضنو عم تشم ريحتو بس امير كان فايق وشافها انها فاقت ومابعدت عنو ضلو هيك شي ربع ساعة فجأة امير مسك دقنا بخفة ورفعلا راسها ليلتقو عيونن ببعض امير : بتحبيني? • غرام .......... كانت مبسوطة ومرتاحة بهالقرب بس كمان لساها شايلة بقلبها منو • امير : غرامي اشتقتلك حني عليي ولو بكلمة حلوة ....لك مشتاق لضحكتك معي • غرام بلش الدمع يجتمع بعيونها: الضحكة الحلوة انت سرقتا مني ،بعمرو الوجع مابينتسى خصوصآ اذا كان من اقرب الناس • اميرباسا من جبينا: غرامي لا تبكي والله مابسخى شوف هالدموع • غرام : هه مابتسخى، لكان كيف سخيت لما ضليت ابكي طول الليل وبدال ماتجي تمسحلي دموعي نزلت ضرب فيني ،لك كتفي لهلئ بيوجعني الحرق يلي فيه • امير عم يمشي ايدو ع خدها : غرام غرامي خلص انسي وخلينا نبلش من جديد انتي بتعرفي اني عصبي • غرام: عم حاول انسى وسامحك بس شعوري هديك الليلة اناو مربوطة كتير بشع لما هجمت عليي وضربتني راح الوجع والزراق عن جسمي بس ضل بقلبي عم احترق من جوا مع كل كف وضربة عم اتزكرها🥺 • امير :مشكلتك ماعم تنسي • غرام:انا فعلا عندي مشكلة اني ما بنسى 😔 مابنسى حدا مات ، حدا وعدني بشغلة ، حدا دايقني او أذاني وهِنٍت عليه ، حدا كنا قراب من بعض وبعدنا ، حدا كذب عليي ما بنسى أبدا هي التفاصيل بتضل محفورة براسي.....قامت من جنبو وطلعت غسلت وجها صبحت ع اهلا وقالتلا نورا انو صباحية النسوان عندن اليوم منشان تخبر امير اذا بيدايق يروح عالدكان لعند عمو رجعت غرام عالغرفة كان امير لسا متسطح وعم يفكر فتحت الخزانة وصارت تفكر شو بدها تلبس وحكت بدون ماتطلع فيه • غرام: بعد شوي جايين نسوان الضيعة لهون • امير :هي الصباحية يلي بتروحي عليها كل يوم • غرام : اي ، اليوم رح يجتمعو عنا ...شي ساعة مو اكتر فيك تروح لعند بابا • امير : لا مورايح عندي شغل بخلصو بين مايروحو • اكتفت بإنها هزت براسها وطالعت فستان لون زهري بارد عليه فراشات نص كم ع قد الجسم من فوق ومن تحت الخصر عريض واصل للركبة استنتو لطلع عالحمام وغيرت تيابها بسرعة حطت شوية مكياج وعطر ورفعت شعرها مع جدولة كبيرة وطلعت تجهز الضيافة مع نورا • نورا: غرام اتركي من ايديكي وروحي شوفي جوزك اذا بدو يفطر قبل مايجو النسوان وتلتهي فيهن فاتت عالغرفة لقيتو عم يحكي مع مدير اعمالو وقلو يبعتلو كلشي ايميلات وملفات ليشيك عليهن،خلص مكالمتو و سألتو : بدك حضرلك الفطور ? • امير : لا يسلمو رح بلش شغل شكلو في شوية ضغط فتح الابتوب وقعد • غرام: طيب اعملك قهوة أو عصير • أمير : لا مو هلئ لما بدي بقلك ،بس جيبي كاسة مي • غرام : تكرم طلعت عالمطبخ لتجيب مي بس كانت نورا حاطة تسالي عالصينية عطتا ياها وقالتلا تصف الصحون عالطاولة الصغيرة الموجودة بزاوية الصالون هية وعم تصف الصحون اجو النسوان والصبايا من بيناتن سارة سلمو عليها وقعدو كل وحدة تسأل عن شي ويفتحو مواضيع وتقديم الضيافة ونست امير😂 بعد شي ساعة حط امير الابتوب جنبو وقام عالمطبخ ليشوف غرام اذا عملت قهوة قبل مايفوت عالمطبخ وقف سمعها عم تحكي مع رهف • غرام : والله رح جن منها اعدة برا عم تحكي وتضحك وكأنها مو عاملة شي • رهف : يعني ماتعودتي ع اسلوب سارة بتقتل القتيل وبتمشي بجنازتو منيح انك ماسكة حالك انا فكرتك رح تهجمي عليها وتنتفي شعرا • غرام : هاد يلي كنت ناوية اعملو بس غيرت رأيي انا بدي جننها واحرق اعصابها • رهف : شو بدك تعملي • غرام: قبل ما تروح رح قلا انو بدي اعطيها فستاني يلي عجبها هديك المرة واخدها عالغرفة لضب الفستان وبفرجيها انو امير بحبني وبموت فيني وانا عم اتدلل عليه والله لحتى تموت بقهرها • رهف : ييييييي ما أقواكي والله هالرد هاد اقوى من الف كف 😂وليه لساتك عم تدللي ع امير • غرام : تضربي اي ماعم اتدلل بس عنجد قلبي ماعم يرضى انسى كلشي • رهف : بكرا بمل من نكد • غرام:.......... • رهف : انتي بتحبيه مو • غرام:......مابعرف.... يمكن ......حبيتو بالرغم من عقلو الصعب وإيدو الطويلة😅.....من غيرتو المجنونه... حبيتو مع انو ضد ك لشي .....🙂كان لقائنا وبدايتنا غلط بس حبيتو لدرجة اني قتنعت بكلشي بدو ياه..مستعدة ابعد عن كلشي وضل معو صرت حب كلشي متلو..... يلي قال انو الحب بيعمل معجزات ماكذب والله صح هو تغير بس انا بحب عصبيتو وجنونو ولما شوف الصبايا كيف عم يتطلعو عليه او بيسألوني كيف زوجك بجن بدي ياه يكون بعيد عن عيون الكل • امير سمعها شو حكت وارتسمت ضحكة حلوة ع وجهو بينت غمازتو يلي بتجنن والفرحة بينت بملامحو ،خبا ضحكتو وصار يطالع صوت وفات • امير : احمم غرام وين كاسة المي ...مرحبا رهف • غرام :يييييي والله نسيت • رهف : اهلين صهري كيفا غرام معك عم تعذبك 🤨 • غرام :اتطلعت فيها ونكشتا • امير : هههههه اي والله عم تعذبني بس ع قلبي احلا من العسل • غرام : عم ساوي قهوة صبلك? • امير : اي زكاتك ، يلا بلإذن • طلع امير وبلشو يحكو ويضحكو اخدتلو كاسة مي وفنجان قهوة وقطعتين حلو وقبل مايروحو نادت لسارة وقالتلا تعي معي عالغرفة بدي اعطيكي الفستان فاتو عالغرفة وعيون سارة ع امير • امير كان عرفان وضحك لما فاتو وقلا :غرامي طولتي عليي اشتقتلك • غرام بضحكة : وانا شتقتلك قلبي بس رح اعطي سارة شغلة وبفضالك يقلبي • سارة عم تلعب بشعراتا: لابقين لبعض ،يديم المحبة😒 • غرام : يقبر قلبي مو بس محبة يديم عشقنا • سارة : هههه صرلكن يادوب شهرين متزوجين صرتو بتعشقو بعض لاتبالغو😅 • امير قام لعند غرام وضما لعندو وباس ايدها: غرامي بتستاهل اني بالغ بعشقي الها ،لو العمر لحظة رح اعشقها فيها 💙! • غرام : امبسطت كتير من كلامو قربت عليه اكتر وحاولت ترفع حالا لتوصل لغمازتو وباستها وقالتلو :الحمدلله يلي رزقني فيك، انت سندي لو مالت الدنيا كلها انت مابتميل • سارة:وجها احمر ورح تجن من كيدها وقهرا : طالعة استناكي برا راحت بنتورة وطبشت الباب وراها بقوة • ضحكت غرام من قلبها وكانت بدها تطلع ورا سارة بس امير سحبها لصدرو وهمسلا:هاتي بوسة تانية • ابتسمت غرام وقربت ع خدو واعطتو بوسة طويلة شوي حست فيها بملمس خدو وريحتو الحلوة • غرام: هي أجارك لانك طققتها • امير : بس كلشي قلتو صدق ما كذبت عليها بشي • غرام : صحي شو هو طلبك . ‹حموﯡډي اࢦۦشـاامـﻱَﮧ . +963 986 820 781 • غرام : شوهو طلبك يلي بدك نفذلك ياه • امير : اكيد رح تنفذيه ها انتي وعدتيني • غرام: اي بس قلي شو هو • امير :عندي توقيع عقد بإيطاليابدي نطلع سوا ويكون شهر عسل😉 • غرام:احم طالعة شوف سارة • تفلتت من بين ايديه وطلعت قالت لسارة انو امير بحب الفستان عليها ومارضي تعطيها ياه 😂جنت سارة وراحت ع بيتها هية وعم تحاكي حالا وتسب غرام • رتبت البيت شوي هية واختا حلا حطو فطور ورجعت تكمل ترتيب المطبخ وامير غرقان بالشغل ...عالمغرب فاتت لعندو • غرام: امير لسا ماخلصت ?العشا جاهز وبابا عم يستنا • امير : اي يلا اجيت • خلال العشا حكا امير مع عمو • امير :عمي بكرا انشالله راجعين ع بيتنا • غرام اتطلعت فيه واستغربت انو ماقلا • الاب : خليكن كمان كم يوم مبسوطين فيكن ولا مليت منا • امير : ولو عمي ما إلي غنى عنكن وكتير مبسوط هون بس لازم التفت لشغلي وعندي سفرة هاليومين انا وغرام • غرام; بس انا لسا ما وافقت عالسفر • الاب : لوين السفرة وقديش رح تضل? • امير : ع إيطاليا عمي هية بيوم واحد بخلص شغلي وبرجع بس حابب اخد غرام معي ونقضي كم اسبوع هنيك • الاب : اي ليش لا روحي لك بنتي الله يسعدكن انتي وزوجك • غرام :....... • شالت العشا وخلصو ترتيب المطبخ واعدة عم تطلع بامير كانت عم تستنى السهرة تخلص لتحكي معو بعد نص الليل فات عالغرفة وغرام وراه سكرت الباب • غرام : ليش هيك قلت لبابا ?مين قلك اني موافقة عالسفر • امير : انتي وعدتيني يعني مافي داعي توافقي ولا ترفضي ...اعطيني الشورت من الخزانة وبلش يشلح تيابو • غرام : طالع شورتك لحالك وسافر لحالك • امير : قلتلك رح نسافر وانتهى النقاش • غرام: الله يوفقك سافر خلص شغلك وخليني هون عند اهلي • امير : اوك ،موافق • غرام بضحكة; عنجد😃 • امير : بشرط • غرام : ييييي علينا شو الشرط • امير قرب عليها وشدها من خصرها لزقها بجسمو وحط شفافو على طرف صدرها وصار يمشيهن بشهوة من صدرا لرقبتا ع ادنها وهمس : كوني ملكي الليلة • غرام متلبكة: اااا انت شو عم تقول • امير : كوني الي هالليلة وكلشي بدك ياه بصير • غرام: اامافيني • امير بعصبية خفيفة : لك غرام حسي فيني ..ارحميني ..انتي مرتي وطول الوقت قدام عيوني وبالليل بحضني لك رح جن بدي ياكي ماعاد اتحمل بحبك وبدي ياكي الليلة او رح تشوفي تصرف تاني • غرام: يعني عم تهددني ?شو التصرف التاني ..بدك تضربني ولا تغتصبني • امير : رح ضل اتجاهلك لحتى إنسى مشاعري ناحك وبقرب ع نسوان الدنيا الا انتي مارح تشوفي مني نظرة • غرام : اي بكون احسن واريح ..اذا حبك الي بروح بالتجاهل ورح تقضي كم ليلة مع بنات فلتانين بناقص من هيك حب • امير نترها من بين ايديه : اي متل مابدك تسطح مكانو نام و تركها عم تفكر معقول يخونها?? "" ‏"قد يرغب المرء أحياناً بأنّ يرى إلى أي مدى ‏بإمكان الطرف الآخر المحاولة من أجله." 💙 • فاق امير الصبح سلم ع الكل وتجاهل غرام قعدو فطرو وفات يضب اغراضو وشاف غرام ضابة الشناتي ومجهزة حالا همس بقلبو (هيك ها مابتجي الا بالعين الحمرا)حط الشناتي بالسيارة سلم ع بيت حماه ومشي رجعو عالقصر قال للخدامة تجيب الاغراض من السيارة وترتبن اخد دوش سريع لبس طقم رسمي لينزل عالمدينة يزبط الامور بغيابو • قبل مايطلع سألتوغرام : وين رايح عالشركة? ضل مطنشها ومارد • غرام: طيب ايمتا جاي • طلع من القصر بدون مايرد عليها كان عندو شوية ضغط بالشغل وتأخر حتى خلص هو وطالع من الشركة لحقتو السكرتيرة هية عم تتمايع • سيلين : امير بيك نسيت هدول الاوراق لازم تراجعهن بنفسك وتوقعهن لانك مو جاي بكرا • امير اخد نظرة عليها كيف لابسة لبس جريء وعم تتمايع عليه وخطرت ببالو فكرة ابتسم ابتسامة صفرة وقلا : اعطيهن لطلال(مدير اعمالو)لازم يتأكد من شغلة وبكرا هو بجبلي ياهو • طلع بسيارتو واتصل بطلال : الو ...اي طلال ..ليك في وراق ضلو مع سيلين ع اساس بدك تشيك عليهن بتاخدهن منها وبكرا الصبح بتعطيها ياهن وبتطلب منها توصلي ياهن عالقصر....اوك ومنشان سفرت ايطاليا زبطها انت وروح بدالي .. سلام ابتسم بخباثة وقال لنشوف غرام خانم لايمتا رح تضل مخبية حبها وعم تكابر وصل عالقصر الساعة 2فات عالغرفة كانت غرام واقفة عالشباك • غرام ; وينك لهلئ طولت • امير:..... • غرام: يعني هيك عم تتجاهلني • امير......ضل ساكت عم يغير تيابو • غرام : الحق عليي فكرت صاير معك شي مو منيح تصبح ع خير • امير : قولي لام جواد تجهز غدا مرتب بكرا عنا ضيوف • غرام ..مين الضيوف • طنشها وحط راسو ونام وغرام عم تغلي من تجاهلو الها • تاني يوم الصبح متل العادة فطر وقعدبالمكتب عاللابتوب وبلش يشتغل وغرام عالبلكون عم تحكي مع رهف عن تجاهل امير الها ،بعد الظهر اتصل فيه مدير اعمالووخبرو انو بَعتلو الاوراق مع سيلين طلع امير عالصالون ونادى لام جواد وغرام اعدة مقابيلو عم تحضر برنامج عالتلفزيون • ام جواد : نعم يابيك • امير : جهزتي الغدا وخلصتي امورك • ا م جواد : اي يابيك الغدا جاهز وكلشي تمام وجهزت غرفة للمبيت • غرام : الضيوف رح ينامو عنا ???? • امير : تمام ام جواد كملي شغلك يعطيكي العافية • ام جواد: الله يعافيك يابيك • غرام زبطت قعدتها باتجاه امير : مين الضيوف ??قديش رح يضلو عنا ?? • امير قام مشي باتجاه المكتب وقال بدون مايطلع فيها: بس يوصلو سأليهن • غرام خبطت ايدها عالمخدة يلي جنبها وقالت لك شو كل هالنشافة هي ليش هيك مطنشني عالاخير • وبعد ساعتين ونص وصلت السيارة ونزلت سيلين منها هية مبسوطة انها اجت ع بيت امير دقت الباب فتحتلا ام جواد ودخلتها ع صالون الضيوف يلي بالطابق الارضي • طلعت ام جواد دقت ع باب المكتب وماكان امير هنيك ،راحت ع غرفة النوم دقت وردت غرام من جوا • غرام : فوتي • ام جواد: ياخانم ما لقيت امير بيك بالمكتب والضيفة وصلت • غرام : اي ليكو بالحمام هلئ فات ....لحظة قلتي ضيفة?? • ام جواد : اي ياخانم ضيفة وحدة • غرام : طيب هلئ بخبرو وليكني نازلة لعندا ضيفيها شي • ام جواد ; حاضر • زبطت غرام شعرها وغمقت الروج رشت عطر ودقت ع باب الحمام • غرام: امير ضيفتك وصلت نازلة استقبلا • امير مارد عليها وهو فارط ضحك من جوا وعم يقول لنشوف ياغرام خانم الغيرة رح تخليكي تعترفي بحبك الي ولا لاء • نزلت غرام وفاتت لتسلم ع البنت وانصدمت بلبسها وريحة عطرها يلي عبت المكان (سيلين كانت لابسة تنورة جلد سودة قصيرة فوق الركبة بكتير وقميص اسود نص كم ،فاتحة اول زرين وصدرها باين ومن تحت عاملة ربطة بالقميص مبين من تحتو بطنها ) مدت غرام ايدها وسلمت والصدمة ع وجها عم تتسآئل شوعلاقة هالبنت بأمير • غرام : اهلا وسهلا انا غرام • سيلين : تشرفت بمعرفتك غرام خانم ،انا سيلين سكرتيرة امير بيك • غرام قعدت مقابيلا صرلك زمان بتشتغلي عند امير • سيلين : تقريبا 3سنين • غرام :امممم يعني عطول بتجي لهون ? لانو امير امبسط كتير بجيتك وجهزلك غرفة • سيلين : جهزلي غرفة • بفوتت امير : اي سيلين غرفتك جاهزة اليوم نومتك عنا • سيلين وقفت سلمت ع امير وقعدت : كيفك امير بيك ،مافي داعي تغلبو حالكن • امير : تمام ، مافي غلبة والطريق بعيد مو حلوة بحقي خليكي ترجعي بنفس اليوم ،صح غرام • غرام رسمة ضحكة صغيرة ع وجها : اي صح ،منتسلا سوا اليوم • ضلت غرام ساكتة وامير عم يحكي مع سيلين بامور الشغل ولما طالعت الاوراق من شنتايتها قام امير وقعد جنبها عالكنباية وصار يسألها اذا دققو فيهن منيح ، غرام لما شافت امير قعد جنب سيلين حست النار شعلت بقلبها ووقفت فجأة • غرام : شو امير بيك ع اساس ما بدك تعذب سكرتيرتك بمشوار الطريق وبلشت تعزبها بالشغل • امير وسيلين ضحكو وكملت غرام : يلا سيلين قومي معي غيري تيابك لترتاحي وبكون الغدا جاهز • وقفت سيلين وقالت: بصراحة مو حابة عزبكن معي بس الاستاذ طلال لما بعتني لهون مافكرت اني رح ضل لبكرا وماجبت معي تياب • امير : اي مو مشكلة اطلعي مع غرام ولبسي شي من عندها انتو نفس المقاس صح حبي? • غرام عم تحكي من بين سنانها : اي حبي نفس المقاس وعم تقول بقلبها( ماشالله عليك ياامير لحقت تفصل جسمها وتعرف مقاسها ) • طلعت غرام وسيلين عالغرفة وفتحت الخزانة وقالتلا تفضلي اختاري يلي بريحك بس انا بحس انو هاد الفستان بيطلع بشل عليكي وطالعتلا فستان اخضر طويل وبكم وصدر مضبوب😂👌🏻 • سيلين : لا غرام خانم هاد مو ستايلي واذا لبستو رح اوقع ع وجهي طب لاني مابعرف امشي بالطويل😂 • غرام وجها احمر ; اي تفضلي🙂 هي كلشي قدامك اختاري وغيري براحتك انا نازلة لتحت بس تخلصي لحقيني • سيلين : اوك ، ميرسي كتير • تركتها غرام ونزلت عالصالون لعند امير وام جواد عم تحضر السفرة عالطاولة • غرام: امير مين هي ?وليش جايبها لهون • امير : شو ما كنتي اعدة معنا😏 سكرتيرتي وجابتلي شوية اوراق • غرام : وشو هالسكرتيرة المحترمة يلي كل جسمها مكشوف مو ناقص الا تروح عالدوام بالمايو • امير: هالسكرتيرة يلي عم تحكي عنها ديزاين فاشن يعني بتصمم ازياء والكل بياخد رأيها بلبسو وياريت تتعلمي من لبسها شوي • غرام جنت من كلامو وكان بدها ترد بس دخلت سيلين وقالت ميرسي كتير الكن غلبتكن معي • غرام اتطلعت بسيلين والنار عم تاكلها كانت لابسة شورت جينز قصير وكنزة بيضة مشلحة عليها ستراسات وضهرها شبك مفتوح • غرام بالهمس(لك العما بقلبها انا بستحي البس قدامو هيك وهي الشرشوحة عم تتفتل ع كيفها ) • قامو عالطاولة وبلشو يتغدو وامير عن قصد صار يفتح قصص ومواضيع مع سيلين وتعلا صوت ضحكاتن ليغيظ غرام ، وغرام عم تطلع عليهن والشوكة بإيدها عم تلعب بلاكل يلي بالصحن ،امير لاحظ عليها انها ما اكلت وعمل حالو مو مهتم رن موبايل غرام وقامت ترد ع رهف بالبلكون وعيونها ع امير • غرام : ليكي رهف شوي وبرجع بحكيكي • رهف : ماشي بس في شي يعني ولا مشغولة ? • غرام عم تحكي بسرعة: اي في كلشي وحدة شرشوحة جاي من اخر الدنيا عم تتدلع امير رح جنننن منها مابدي اتركهن لحالن • رهف : شوي شوي شبكي مين هي الشرشوحة • غرام: لك سكرتيرة امير جايبتلو ور اق ورح تضل عنا لبكرى يالله لو تشوفيها صوت ناعم ودلع وغنج ومكياج وجسم بشل ولا لبسها يارهف متل تبع الافلام الاجنبية لك كلشي انوثة بالدنيا واغراء موجودين بهالحرباية • رهف : اي وانتي اعدة متل الحيط عم تتفرجي عليها هية وعم تغري جوزك • غرام : لك قد ماجنيت منها كنت بدي غير تيابي والبس شي يعجب امير بس مابدي يفكرني غيرانة منها • رهف : لك غرام خلص شيلي العناد من راسك هاد جوزك ومن حقك تغاري عليه وتعملي اي شي لتحافظي ع زواجك منو إلا اذا لساتك مقررة تطلقي • غرام: لا مابدي نطلق خلص رح شوف كيف فيني ابعدها عنو وبحاكيكي المسا • رهف : ماشي حبيبتي مو بس تبعديها عنو وقربي امير الك وحاولي تغريه هاد جوزك بالاخير يلا باي • غرام : اوك قلبي ،باي • رجعت غرام عالسفرة وكانو شبعانين نادت ع ماريا وقالتلا تلم الاكل • امير : ماريا جيبيلنا عصير • ماريا عم تلم السفرة: حاضر • غرام بقلبها (ما كلف حالو يسألني اذا شبعت او بدي كمل اكلي الخانم يلي عالموضة اخدت عقلو ) • قامو عن طاولة السفرة وقعدو بالقسم التاني تبع الصالون عالكنب والاحاديث مستمرة وعيون غرام عم تراقب......بعد شوي وصل العصير ولما كانت ماريا عم تضيّف امير وسيلين خطرت فكرة ع بال غرام استنت لوصلت لعندا حملت الكاسة وكبتها ع تيابها • ماريا : ييي غرام خانم انا بعتذر • غرام : لا حبيبتي مادخلك انتي ...بلاذن قايمة غير تيابي • طلعت عالغرفة وبسرعة فتحت الخزانة وبلشت تفكر شو بدها تلبس .... بعد وقفة طويلة قدام الخزانة طلعت غرام عالصالون وقالت : لاتواخذيني سيلين تأخرت جوا بس بين مابدلت تيابي • امير التفت عليها وانصدم بالتغيير كانت لابسة فستان احمر ناعم سادة لفوق الركبة وكتافو نازلة مبين مساحة من صدرا ورافعة شعرها كلو مع غرة ناعمة ومكياج خفيف كتير وروج احمر بيسحر • سيلين : ولايهمك حبيبتي ما تاخرتي والحكي عن الشغل مع امير بيك مابيخلص .😅 • غرام مشيت باتجاه امير يلي صافن فيها واعدت جنبو مسكت ايدو وقالت : اي والله ياسيلين اميري مابمل من الشغل ادماااانو ...بس من هون ورايح لازم يهتم فيني اكتر من شغلو صح اميري😉 • امير عم يطلع عليها ويتأملها ودايب بجمالا وغيرتا • غرام: امير شبك صفنت • امير : اااه شو • سيلين : غرام خانم كانت عم تقلك انك لازم تهتم فيها اكتر من شغلك شكلا عم تغار منو • امير : هههههههه اي والله عم تغار كتيررر(قصدو عن سيلين😂).....بعد ساعتين من الحكي والضحك والنظرات والغيرة فاتت سيلين ع غرفتا تحكي تلفون وتتسطح شوي.... وغرام قامت من جنب امير وراحت ع غرفتا وامير لحقها دغري ...وقفت غرام قدام المراية عم تفك ربطة شعرا فات امير سكر الباب وقلا: ليش تركتيني اعد لحالي • غرام : ليش ممنوع اجي ع غرفتي • امير بخباثة : لا مو ممنوع ...رايح شوف سيلين اذا محتاجة شي • غرام: زتت الربطة من ايدها وركضت لعندو : لا ارتاح انت مو محتاجة شي هي ام جواد موجودة عم تلبي طلباتا ....واذا الفاشنيستا خانم احتاجت شي بتطلبو مني انا • امير: سحبها من خصرا ولزقها بجسمو وايديها ع صدرو: غرامي غيرانة.😉 • غرام بلبكة: للل لا ليش غار وو من مين • امير : اتطلعي بعيوني • اتطلعت غرام بعيونو وغرقو بهالنظرة ونزل بعيونو ع شفايفها وقلها بهمس : بدي دوق الروج .. صار يشد ع خصرا لتلزق بجسمو اكتر ويحس بحرارتها قرب من وجها شوي شوي ...غرام كانت متلبكة كتير وانفاس امير متل النار ع وجها وايدو يلي ع خصرا دوبتها ماعادت تحملت قربو اكتر حست حالا رح يغمى عليها لفت ايديها ع رقبتو تمسكت فيه منيح وغمضت عيونها ((( : أرجوكِ أغمضي عينيكِ عندما أقبلكِ، لا أريدُ أن تشهدي انهزامي 🖤🌸 • امير حس انها استسلمت بين ايديه ورح تتفاعل معو وبكل هدوء حط انفو ع انفها وشفافن عم ترجف من الشوق وصوت انفاسن عم تعلا • امير بلع ريقو بصعوبة ومص شفافها بكل شوق ولهفة، بوسة حب طويلة خربطت كيان غرام وخلتها تشد ايديها ع رقبة امير من ورا وتمشي اصابعها بين خصل شعرو • بحركاتها وقربها من امير وصوت نفسها جنن امير وصارت بوساتو اقوى وأعنف غرز ايدو بشعرها والايد التانية ع خصرا وشد عليها وغاص ببوسة طووويلة ماحس الا غرام عم تدفشو من صدرو بعد عن تمها ولساتو شاددها لصدرو • غرام : عم تتنفس بصوت عالي وعم تلهت : رح موت خليني اخد نفس • امير : اوووووه شو طيبين صوت انفاسك عم يجنني وبتقوليلي بدك نفس لك لسا ماشفتي شي سحبها وبلش فيها بوس اقوى من قبل.. كان كل شوي يبوسها من مكان ..من شفافها وانفها و خدودا ورقبتا وبعدا غاص بصدرا الباين من فتحت الفستان • بعد شي ربع ساعة كانو متسطحين عالتخت وامير فوق غرام عم يبوسا ويقلا ماعاد اتحمل هلئ يعني هلئ • غرام بالهمس: امانة خليا لبكرا والله خايفة • امير تسطح جنبها ومارد عليها .عم يتنفس بصعوبة • غرام : لاتزعل مني بس والله خايفة ومتلبكة ومنشان جهزلك حالي كمان • امير لساتو ع حالتو متسطح وحاطط ايديه ع راسو • غرام : حبيبي زعلان • امير هز براسو انو لاء ووجهو احمر • قامت غرام من جنبو وفاتت عالحمام غسلت وصارت تطلع ع حالا بالمراية • يييييي يالله يا امير لك رقبتي كلها زرقا يييي وهون كمان .... ياحرام يا قلبي انت والله زعلت عليه شلون وجهو احمر وباين انو مو قادر يتحمل . .بس كمان والله خفت شوبدي اعمل ياربي ...زبطت حالا وطلعت كان لساتو متسطح وهادي • غرام : اميري شوف شو عامل فيني رقبتي وصدري زرق و خدي كمان محل البوسة ازرق شو هالعنف هاد🤭 • امير عم يتفحص جسمها و مكان بوساتو: هاد حبي وشوقي لسا ماشفتي شي وحيات عيونك الحلوين مارح ارحمك لا ليل ولا نهار.....بحبك غرامي • غرام : خجلت كتير وقعدت ع طرف التخت وانا بحبك وبموت فيك اميري • فجأة امير سحبها وسطحها تحتو وقلا خجلك ماعم يرحمني وانا ما رح ارحمك وقلتلك مارح اصبر ولا دقيقة وكمل بوس فيها اقوى من اول وبايديه عم يشلحها الفستان ........بعد ساعتين دقت ام جواد عالباب وقالت ياخانم فاقت سيلين واعدة بالصالون لوحدها اذا بتحبي تقعدي معها • غرام من جوا : اي يلا جاية كانت نايمة ع صدر امير العاري وخجلانة • غرام: يلا قوم ماسمعت سيلين عم تستناني • امير : اي وشو دخلني انا قومي انتي • غرام بخجل: امييير يلا قوم بدي البس • امير عم يهمس : اي لبسي قدامي مو جوزك انا • غرام : لك بدي قوم عالحمام يعني اذا لفيت حالي بالشرشف رح تضل انت بلا غطا • امير:امممممم طيب منلف الشرشف علينا نحنا التنين ومنفوت عالحم ام سوا😉 • غرام قامت اعدت وشدت طرف الشرشف ع صدرا وصارت تتطلع عالارض شافت جنبها قميص امير قربت طالتو ولبستو كان قصير كتير صارت تشدو لتحت وقامت عالحمام • امير عم يضحك😂 اي اي خبي حالك اكتر مو عرفانة انك بهالحركة ورطتي حالك اكتر بس ما رح اعمل شي هلئ ..المسا بس تخلص السهرة بدي اجي عالغرفة لاقيكي لابسة نفس القميص 😉دخيل رب هالفخاد متل القشطة🤤...تحممت غرام ولبست البرنص وطلعت اختارت كنزة خفيفة وشورت جينز .. لبست وقبل ما تطلع من الغرفة ضمها امير ...شلح خاتم ناعم بحجر فيروزي من اصبعو الصغير وحطو بإصبع غرام ولبسها ياه • امير : هاد الخاتم هدية من امي قبل ماتموت وهلئ صار بايدك منشان كل ماشوفو اتزكر امي قديش رضيانة عليي حتى الله بعتلي هيك قمر • غرام : باستو من خدو وضمتو .....بعد شوي طلعت وقعدت مع سيلين وامير تحمم ولحقها قعدو سوا سهرو لوقت متاخر مع سيلين وعلامات الغيرة ظاهرة ع غرام...تاني يوم رجعت سيلين عالمدينة واستفرد امير بغرام وعيّشها احلى ايام ماكان يرحمهاابدا 🤭وهية عم تغرق بحبو اكتر وهيك مضى كمان شهر كان كأنو شهر عسل وهيك صار مارر ع زواجهن 4شهور ....وبيوم كانت غرام راجعة هية وامير من عند اهلها سهرت عندن وتسلو ...وصل لقدام القصر ورن تلفون امير وكان طلال مدير اعمالو فتح خط ورد عليه وغرام اعدة جنبو لسا مانزلت عالبيت بس لاحظت انو وجهو تغير وكأنو في زعجو . • امير : غرام انزلي انا شوي وبلحقك • غرام سكتت شوي ونزلت قالت بس يطلع عالغرفة بسألو • امير : اي طلال انت متأكد من هالشي يعني شفتا بعيونك ? • طلال: اي اي عم قلك فتت عالمكتب وكانت مسؤولة التسويق نايا ورا المكتب وتلبكت لما شافتني • امير :شوكانت عم تعمل فتشت بالملفات ولا شو ?? • طلال : مابعرف شو عملت بس لبكتها خلتني شك فيها وطلبت من الحارس يجيب تسجيلات الكاميرة يلي بالمكتب بس شوف التسجيل بردلك خبر • امير : ماشي لاتطول دغري دقلي • طلال: اوك باي شريك • امير : باي • طلع امير عالغرفة كانت غرام مبدلة تيابها ولابسة قميص نوم ناعم باللون الفيروزي لفوق الركبة ...لاحظت ع امير انو مشغول بالو وغير تيابو بدون مايحكي معها او ينتبهلا ...قربت لعندو وضمتو • غرام:حبيب قلبي شو يلي شاغل بالو • امير ضمها وباس جبينا : مشكلة صغيرة بالشغل ياروحي • غرام :امممم عم تقول صغيرة يعني مابتستاهل تشغل بالك صح .....قبل مايرد عليها رن تلفونو وكان طلال فتح خط بسرعة • امير :اي طلال شوصار معك • طلال :والله ياشريك شكلا نايا في من وراها قصة • امير : شو عرفت عنها بين شي بتسجيلات الكاميرة? • طلال : اي بين بس مو كلشي • امير :كيف يعني مو كلشي ?نايا شوكانت عم تعمل بالمكتب? • (غرام واقفة عم تسمع حديثو وعرفت انو عم يحكو عن بنت واول مرة بتسمع بإسم نايا) • طلال: تلفوني كان علمكتب بين انها فتحتو ودورت ع شي ونقلتو ع تلفونها وبعدها فتشت بالدروج وطالعت الملف الازرق تبع معلومات الاتصال وعناوين كلشي موظفين • امير : لك ايييي مابين معك شو اخدت او عن شو عم تدور • طلال : لا مو مبين شي بس لما طالعت الملف الازرق فتحت عالصفحة الاولى واخدت المعلومات • امير : ايواااا عالصفحة الاولى هيك سهل نعرف شوبدها • طلال :،اي اكيد سهل ،معلومات الصفحة الاولى بتضم رؤساء الشركة يعني ابوك أو انت أو انا او محامي الشركة • امير:اووووف لك هالصفحة مابتضم غير معلومات الاتصال والعنواين يعني معها ارقامنا كلنا شوبدها تكون عملت • طلال: خلص ما تضل تفكر بكرا بس تجي عالشركة منطلبها عالمكتب وبفرجيها تسجلات كاميرة المراقبة ومنشوف على شو كانت عم تدور...بدك شي • امير :ماشي..سلامتك تصبح على خير • طلال:تلاقي الخير • غرام وقفت قدامو وقالتلو : حبي شبك انزعجت في شي مو منيح? • امير:......(كان عم يفكر وماانتبهلا) • غرام رفعت ايدها لقدام عيونو:بسسست اميري ..وين شردت • امير; اي قلبي ليكني معك..بدي فوت غسل والبس بجامتي • غرام: قبل كلشي قلي شوصاير ? • امير:موصاير شي اطمني مشكلة صغيرة بالشغل وبكرا بتنحل ..يلاا يلا عالتخت رح بدل تيابي والحقك • غرام : اذا طولت رح نام 😌 • امير: اذا نمتي بتعرفي كيف بصحيكي😉 قرب عليها واخد بوسة لطيفة من تمها وفات عالحمام غير تيابو وطلع لابس شورت البجامة تسطح جنب غرام عالتخت ضمها لصدرو سرق كم بوسة ونامو ......😍 _تاني يوم الصبح فاقت غرام قبل امير دخلت عالحمام غسلت وغيرت تيابها حطت شوية مكياج وطلعت عالصالون • غرام: صباح الخير ام جواد ..جهزتو الفطور? • ام جواد: يسعد صباحك غرام خانم ليكني هلئ بلشت تجهيز • غرام: ماشي مارح فيق امير ليجهز الفطور بس استعجلي شوي لان يمكن بدو ينزل عالشركة منشان ما يتأخر • ام جواد:حاضر وراحت تكمل شغلا بالمطبخ • غرام: وانا خليني اطلع عالبرندا شوي شم هوا وبشوف اذا رهف أو اهلي فايقين.......طلعت عالبرندة فتحت تلفونها شافت مسج من رقم غريب فتحت الرسالة وبلشو دموعها ينزلو،حطت ايدها على تمها عم تكتم شهقاتها وتهز براسها يمين ويسار وتهمس مستحيل مستحيييل مستحيل .....